Орчны шинжилгээний мэдээ > Гадаргын усны чанар
Дорнод аймгийн гадаргын усны чанарын 2017 оны 10 дугаар сарын төлөв байдал
Дорнод аймгийн гадаргын усны чанарын
2017 оны 10 дугаар сарын төлөв байдал
Дорнод аймгийн Байгаль орчны шинжилгээний лаборатори нь усны чанарын хяналт-шинжилгээний хөтөлбөрийн дагуу 2017 оны 10 дугаар сард Хэрлэн- 1-4 дүгээр чиглэл, Улз- Баян-Уул, Улз- Эрээнцав, Халх гол Сүмбэр дээд, доод цэг, Баянхошуу, Буйр нуур- Загасны үйлдвэр, Хөх нуур, Нөмрөг зэрэг хяналт-шинжилгээний 13 цэгээс усны сорьц авч, усны химийн найрлага, чанарын үзүүлэлтүүдийг тодорхойллоо.
2017 оны 10 дугаар сард хийсэн Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандартай харьцуулан 1 дүгээр хүснэгтэд үзүүллээ.
Хэрлэн гол, хөтөлбөрийн дагуу Хэрлэн голын хяналт шинжилгээний 1- 4-р чиглэлийн 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны эрдэсжилт 150-184 мг/л хэлбэлзэж байна.
Улз гол, хөтөлбөрийн дагуу Улз голын Баян-Уул, Эрээнцав хяналт шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Улз голын усны эрдэсжилт 343-936 мг/л-т хэлбэлзэж, усан дахь хялбар исэлдэх органик бодис болон эрдэс азотын ХА-аас давсан тохиолдол ажиглагдаагүй байна
Халх гол, Халх гол Сүмбэр дээд, Сүмбэр доод, Баянхошуу, Буйр хяналт шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 194-251 мг/л-т хэлбэлзэж, усан дахь хялбар исэлдэх органик бодис болон эрдэс азотын ХА-аас давсан тохиолдол ажиглагдаагүй байна голын ус цэвэр байлаа.
Буйр нуур, Буйр- Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Энэ үед нуурын усны эрдэсжилт 306 мг/л, усан дахь хялбар исэлдэх органик бодис болон эрдэс азотын ХА-аас давсан тохиолдол ажиглагдаагүй байна
Хөхнуур, Хөхнуур – 37-р зөрлөг хяналт шинжилгээний цэгээс сорьц авч усны химийн найрлага, чанарын үзүүлэлтүүдийг тодорхойллоо. Энэ үед нуурын усны эрдэсжилт 5539 мг/л 37-р зөрлөг хяналт шинжилгээний цэгийн орчим нилээд их эрдэсжилттэй байна.
Нөмрөг, Нөмрөг хилийн застав хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Энэ үед голын усны эрдэсжилт 293 мг/л ба нөмрөг хилийн заставын нитрит ХА-аас давсан байна.
Дүгнэлт:
Дорнод аймгийн гадаргын усны 2017 оны 10 дугаар сарын хяналт-шинжилгээний дүнгээс үзэхэд Улз-Эрээнцавын усны эрдэсжилт 936 мг/л, Хөхнуур – 37-р зөрлөг эрдэсжилт 5539 мг/л байсан ба бусад голын усны эрдэсжилт 150-343 мг/л-т хэлбэлзэж байлаа.
Нөмрөг хилийн заставын нитрит ХА-аас давсан байна. Бусад голуудын усан дахь органик бодисын болон эрдэс азотын агууламж MNS4586-98 усны чанарын стандарт дахь хүлцэх агууламжаас давсан бохирдолгүй, голын ус цэвэр байна
ДОРНОД АЙМГИЙН УС ЦАГ УУР ОРЧНЫ ШИНЖИЛГЭЭНИЙ АЛБАНЫ
БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ
2017.10.25